di Michele Limpido
U freddo trasia nall’ossa
ddu malirittu jornu
mentri iddi a maggioranza,
scioperavano ad oltranza.
Erunu nu bottu
ddu rui di dicembri
rò sessantotto.
Tutti ‘nzemi, nna provinciali
ra Sicilia orientali,
ittainu vuci cuntra u governu
ppa mancanza ri l’aumentu.
Ri luntanu, allura, vinni
n’esercitu ri cristiani,
cche vistita tutti i stissi,
l’ermettu supra a testa,
manganelli, li spallacci
e i fucili tra i vrazzi.
Li scioperanti ammutuleru:
nui nun semu delinquenti
semu tutti brava genti,
nun facemu mali a nuddu,
vulemu sulu l’aumentu.
Ad un trattu si sinteru
Rui, tri coppa ri fucili,
ru campagnoli careru nderra,
comu sciuri tagghiati i nettu
e ccu l’occhi rivolti a Diu.
Ssu jornu malirittu,
macari nno cori
Trasiu lu friddu.
Poesia prima classificata all’Edizione 2004 del Premio Nazionale di poesia “Giuseppe Sunseri” a Trabia
